Sobre ti, meandro, xunco,
non me esfaragullo nin me acoirazo convexa.
non me esfaragullo nin me acoirazo convexa.
Maleable: desdóbrome coma un patrón
de vertixes obvias e vasos precipitados.
Periodicidade, a óptima,
pensan os graos de area cada vez que os morden
a marea e os milenios de tremer á espera
ata que enxoita a bágoa,
que ritualmente ama á illa,
que xoga a desnortar á península,
brilla de novo sen cofia branca.
Daquela, vento, libertador sen cara de moeda,
fáime vértice, insértame con tino na fondura,
tráime o enxoval para esta cama
bordado co percurso das órbitas próximas
percorridas neste tempo.