Continuidade de Weesperstraat 47L (1018DN)

miro pola fiestra agora
dous mil kilómetros lonxe
que aquela anduriña máis eu nos recoñecemos


falamos dos mil ollos da cidade que sorrín mentres os miran coma a miña fiestra cara o oriente
das rutas dos avións que para bicar as nederlands acariñan o noso séptimo piso
do pequeño Jaap –xeonllos esfolados– a xogar no patio
das árbores sen follas arredor da cúpula sempre verde do xardín botánico
tráeme novas dos ollos vermellos no Overkant Hortus...


abro a fiestra cara o abrente agora
dous mil kilómetros lonxe
semella que o val soña con planicies e con bicicletas
que os regos envexan ribeiras de ladrillo
para que fale baixiño a corrente gaia
mais o vento zoa exactamente igual baixo as pontes e antre as pólas

...hai unha continuidade absoluta do pranto do ceo empedrado de mica, feldespato e xeixo

Ningún comentario:

Publicar un comentario